سياسة الخصوصية

آخر تحديث: ١١ تشرين الأول ٢٠٢٦

هالصفحة تشرح بوضوح شنو البيانات اللي ناخذها، ليش ناخذها، ووين تنحفظ. إذا عندج أي سؤال، راسلينا على الواتساب من الرابط بآخر الصفحة.

شنو ناخذ منج

• من تسجّلين حساب: اسمج، اسم العيادة، المدينة، ورقم الواتساب. الرقم هو اسم الدخول، وبيه نرجّعلج الحساب إذا نسيتي الرمز.
• من تسوين فحص الانستغرام: أجوبتج على الأسئلة، حساب انستغرام العيادة، ورقم الواتساب حتى نوصلج الخطة.
• بالباقات المدفوعة: بيانات المراجعات اللي تضيفينها إنتِ بنفسج للنظام (الاسم، الرقم، الخدمات والمواعيد). هذي بياناتج إنتِ، نحفظها بس حتى يشتغل النظام إلج، وما يشوفها غير حسابج.

ليش نستخدمها

• حتى يشتغل حسابج وصفحتج.
• حتى نسويلج خطة الانستغرام ونرسلها إلج.
• حتى نتواصل وياج بالواتساب بخصوص مُجدِّد وعروضه. إذا ما تريدين رسائل، كوليلنا "وقّفوا" ونوقّف.

ما نبيع بياناتج ولا ننطيها لأي جهة ثانية.

إحصائيات الزيارات

بصفحات الموقع العامة (الرئيسية، الفحص، التسجيل) نستخدم Google Analytics وMicrosoft Clarity حتى نعرف شكد زائر يجينا ووين يضغط، ونحسّن الموقع. هذي الأدوات ما تشتغل داخل حساب العيادة نهائياً، ولا تشوف بيانات مراجعاتج.

وين تنحفظ البيانات

قاعدة البيانات عند Supabase (سيرفرات بأوروبا)، والموقع على Hostinger. الاتصال كله مشفّر (https)، والرموز السرية تنحفظ مشفّرة وما يكدر أحد يقراها، حتى إحنا.

حذف بياناتج

تكدرين بأي وقت تطلبين حذف حسابج وكل بياناتج. راسلينا من نفس رقم الواتساب المسجّل، ونحذفها خلال ٧ أيام.

تواصل

راسلينا على الواتساب