رجّعي مراجعاتج بوقت التجديد، وخلّي عيادتج تمشي بنظام
مُجدِّد يحسب موعد تجديد كل بوتوكس وفيلر وجلسة، وكل صبح يطلعلج منو لازم ترجع، والرسالة جاهزة بالواتساب. والفريق والمهام والمحتوى، كلها بنفس المكان.
دقيقتين، وتوصلج خلال 24 ساعة خطة انستغرام مبنية على عيادتج، بعد ما يشوف حسابج خبير.
كل مراجعة تنسى موعدها، تروح لعيادة ثانية
مو لأن خدمتج أقل. بس لأن العيادة الثانية ذكّرتها بالوقت المناسب.
- التجديدات تضيع بصمت
البوتوكس يخف بعد 3 إلى 4 أشهر، والمراجعة ما تتذكر. وإنتِ ما تعرفين منو اختفت إلا بعد ما تكون راحت.
- تصرفين على إعلانات لمراجعات جدد
وبنفس الوقت مراجعاتج القديمات، اللي يثقن بيج، ماكو أحد يتواصل وياهن.
- كلشي يعتمد على ذاكرتج
الفريق ينتظر تعليماتج، والعروض تنحضّر قبل المناسبة بيوم، وآخر الشهر ماكو رقم يقول شنو صار.
تعبتي حتى بنيتي ثقة ويه مراجعتج. تستاهلين ترجعلج هي، مو تروح لغيرج.
شنو يتغيّر بعيادتج ويه مُجدِّد
ثلاث نتائج تحسّينها من أول شهر.
مراجعاتج يرجعن
- التجديد ينحسب لحالهلكل خدمة مدتها، وإنتِ تعدّليها حسب المادة.
- قائمة الصبح جاهزةمنو لازم تتواصلين وياها اليوم، مرتبة حسب الأولوية.
- رسالة واتساب بضغطةباسم المراجعة والخدمة والعرض، تراجعيها وتدزيها.
- ولا مناسبة تفوتأعياد الميلاد، رمضان، شهر التوعية، والعروض الموسمية.
فريقج يشتغل بدون ملاحقة
- مهام بمواعيدوإذا تأخرت مهمة، يوصلج تنبيه بدل ما تكتشفيها بعدين.
- تقرير أداء شهرينسبة إنجاز كل موظف، حتى تقررين المكافأة بالأرقام.
- الحضور والانصرافمن موبايل الموظف، بدون دفاتر.
- بيانات محميةكل واحد يشوف اللي يحتاجه لشغله بس.
عيادتج تكبر بثقة
- تقرير شهري بالأرقامشكد رجع دخل بسبب التواصل، ونسبة التجديد، وأكثر الخدمات.
- تقويم العروضتنبيه قبل كل موسم بأسبوعين: حضّري عرضج من هسه.
- خبير مبيعات وياجيراجع حساب الإنستغرام ويسلّمج خطة محتوى بموعد محدد.
- صفحة العيادة والحجزرابط للبايو، والحجز يوصلج مباشرة.
نعرف شكد صعب تكونين طبيبة ومديرة بنفس الوقت
بين جلسة وجلسة، ترادين على الرسائل، وتتابعين الفريق، وتفكرين بعرض الشهر الجاي. وبالآخر المراجعة اللي سوّت بوتوكس قبل أربع أشهر، محد تذكّرها.
مُجدِّد انبنى حتى ياخذ هالحمل منج: النظام يتذكر، والفريق ينفّذ، وإنتِ تركزين على شغلج.
ليش تثقين بمُجدِّد؟
- انبنى من داخل قطاع التجميل: وراه مستشار مبيعات وتسويق اشتغل سنين ويه شركات وعيادات التجميل بالعراق، ويعرف وين تضيع المبيعات.
- مسوّى للعيادة العراقية: بالعربي، بالدينار، بالواتساب، وبمواسمنا ومناسباتنا.
- بياناتج إلج بس: كل عيادة معزولة، وكل فتح لملف مراجعة ينسجل باسم اللي فتحه.
- ما تبدين وحدج: ننقل مراجعاتج من الإكسل، ونعلم فريقج، ونتابع وياج أول شهر.
شلون نبدي؟ ثلاث خطوات بس
- ابدي مجاناً
سوّي صفحة عيادتج المجانية بدقيقتين، أو اختاري الباقة اللي تناسبج.
- نجهّز عيادتج
ننقل مراجعاتج من الإكسل أو الدفتر، ونظبط الخدمات ومدد التجديد، ونعلّم الفريق.
- كل صبح قائمتج جاهزة
تفتحين البرنامج، تضغطين على الاسم، والرسالة جاهزة. والمراجعات يرجعن.
شكد تخسر عيادتج بالسنة من التجديدات الضايعة؟
حرّكي الأرقام حسب عيادتج. الحساب يبقى بموبايلج.
عيادتج تستاهل نظام بقد شغلج
إنتِ تعرفين إن المراجعة الراضية هي أغلى شي بعيادتج، بس بدون تذكير بوقته، حتى الراضية تنسى. مُجدِّد يتذكر بدالج: يحسب موعد كل تجديد، ويطلعلج كل صبح منو لازم تتواصلين وياها، ويجهزلج الرسالة بالواتساب. وبنفس الوقت يرتب مهام فريقج، وينبهج قبل كل موسم عروض، ويطلعلج آخر الشهر تقرير يقول بالضبط شكد رجع دخل بسبب التواصل. ابدي اليوم مجاناً، وخلّي مراجعاتج يرجعولج بدل ما يروحون لغيرج.
اختاري الباقة اللي تناسب عيادتج
تبدين بالمناسب، وتكبرين للأعلى وقت ما تحتاجين.
الأساسية
رجّعي مراجعاتج بوقت التجديد
50,000د.ع / شهرياً
للعيادة الصغيرة: طبيبة وسكرتيرة
- سجل المراجعات والزيارات
- حساب التجديد وقائمة الصبح
- رسائل واتساب جاهزة
- تقويم المناسبات والعروض
- التقرير الشهري
- لحد 2 مستخدمين
الاحترافية
رتّبي فريقج ومحتواج
85,000د.ع / شهرياً
للعيادة اللي بيها فريق من 3 إلى 6
- كل اللي بالأساسية، وفوقها:
- مهام الفريق وتقرير الأداء
- الحضور والانصراف
- أفكار محتوى بالذكاء الاصطناعي
- لحد 6 مستخدمين
المميزة
كلشي، ووياج خبير مبيعات وتسويق
125,000د.ع / شهرياً
للعيادة اللي تريد تكبر، مو بس تترتب
- كل اللي بالاحترافية، وفوقها:
- تحليل حساب الإنستغرام من الخبير
- كتابة محتوى وخطة نشر
- تقريرين من الخبير كل شهر
- لحد 15 مستخدم
مو جاهزة تشتركين؟ ابدي بـ صفحتي مجاناً
صفحة عيادتج للبايو: صورتج، وخدماتج وأسعارها، ودوامج، وموقعج، وحجز يوصلج على الواتساب مباشرة، وباركود تطبعينه للاستقبال.
الباقة الخاصة
لمركز تجميل كامل بأكثر من فرع أو فريق كبير، أو عندج طلبات خاصة تحتاج نظام مفصّل على شغلج.
السعر يتحدد بالمكالمة الاستشارية المجانية، بعد ما نفهم احتياجج.
الاشتراك السنوي: ادفعي 10 أشهر واستخدمي 12. والتجهيز وإدخال مراجعاتج علينا.
محتارة بين الباقات؟
أربع أسئلة سريعة ونقترحلج الأنسب، وتكدرين تدزين النتيجة بالواتساب حتى نحچي وياج عنها.
مجاناً: فحص انستغرام عيادتج
جاوبي أسئلة سريعة وتطلعلج درجة حسابج هسه. وخلال 24 ساعة توصلج على الواتساب خطة مبنية على عيادتج وإمكانيتها: شكد تنشرين، وشنو تنشرين، والستوري، وتقويم 30 يوم.
أسئلة تتكرر
الرسائل تنرسل لحالها لو أني أدزها؟
بالبداية الرسالة تطلع جاهزة وإنتِ أو السكرتيرة تدزيها بضغطة من واتساب العيادة، حتى ما يتعرض الرقم للحظر. وبعدين نفعّل الإرسال التلقائي الرسمي من واتساب للباقات اللي تحتاجه.
يشتغل من الموبايل؟
إي، يفتح من أي موبايل أو حاسبة، وتكدرين تضيفيه للشاشة الرئيسية مثل التطبيق.
أحتاج تدريب؟
الشاشة الرئيسية وحدة: منو لازم تتواصلين وياها اليوم. وندخّل وياج أول البيانات ونعلم الفريق.
عندي مراجعات مسجلات بدفتر أو إكسل، شلون أنقلهن؟
الإكسل ينرفع مرة وحدة والتجديدات تنحسب مباشرة. وإذا بالدفتر نرتب وياج طريقة سريعة لإدخالهن.
بيانات مراجعاتي بأمان؟
كل عيادة معزولة تماماً عن غيرها، والموظف يشوف اللي يحتاجه بس، وكل فتح لملف مراجعة ينسجل باسم اللي فتحه.
منو الخبير اللي يراجع حسابي؟
مستشار مبيعات وتسويق اشتغل سنين بقطاع التجميل. يراجع حسابج بنفسه بمساعدة الذكاء الاصطناعي، ويسلمج التقرير بموعد يحدده لج وقت الطلب.
بعد ست أشهر من هسه، شلون تكون عيادتج؟
- مراجعاتج يرجعن بوقت التجديد
- دخل تتوقعينه كل شهر
- فريق يعرف شغله بدون ملاحقة
- وإنتِ تركزين على شغلج
- مراجعات يروحن لعيادات ثانية
- كل شهر يبدي من الصفر بالإعلانات
- وكلشي يبقى على ذاكرتج